تجربتي مطعم Mustard

 

 

وصلتني دعوة من اصحاب مطعم Mustard

لتجرربة المطعم الجديد في مجمع التلال

 

 

اول شي المكان كان حلو و هادي جدا

و اللوحات الي فيه عجيبة و تلفت

 

المنيو منوع لكن بسيط

احلى شي ما يتدوده الواحد شنو يطلب

 

اول شي طلبنا جوانح الدياي و اصابع الموزوريلا

طبعا كان من الذ اصابع الموزوريلا الي جربتها

 

قلاص المشروبات فكرته حلوة

 

بعدها طلبنا الجيلي جييز فرايز و الربيان و البطاط الحلو

كل شي كان لذيذ و اهم شي مو مسحب بالدهن يعني خفيف

و هم المميز ان الفرايز عندهم نفس شغل البيت مو مثلج

البرجر كان وايد حلو و هم خفيف

ان خذيت الي فيها بيكن كانت مضبوطة حبيتها

 

بعدها كانت فقرة الحلويات

جربنا التيرتل فدج كانت لذييذة خاصة حق الي يحبون الكاراميل

و الفدج عندهم كان غير عن اي فدج ثاني

و خذيت ميل شيك الفراولة وايد لذيذ و احلى شي انه طعمه مو ايسكريم و خلاص

 

طبعا المطعم عندهم خدمة السيارة المتنقلة

ايوونكم لي مكانكم اذا كان عندكم مناسبة او ديوانية

 

بشكل عام المطعم كان تجربة حلوة و خفيفة

و موظفينه وايد زينين و استقبلونا و استقبلوا راينا بكل صدر رحب

 

شكرا لأصحاب Mustard عالدعوة

 

مكانهم في شويخ مجمع التلال داخل 52 Dgrees

Tel:22256745

Instagram : Mustardkw