مطعم هوتيل كولكتا
مطبخ هندي يقدم أطباق مختلفة نوعاً ما
عن باقي المطاعم الهندية بالكويت
المكان ديكوراته جميلة على شكل فندق
الأكل نكهاته مختلفة و يديدة
شوربة العدس مع التفاح طريقة تقديمها حلوة
و محتوياتها غير عن الي تعودنا عليه
يقدمون شاي المسالا اثناء انتظار الأكل
طريقة التقديم حلوة و الطعم لذيذ
طلبنا سلطة الربيان المشوي و المنجا
طعم المنجا معطي نكهة حلوة مع الربيان
المقبلات خبز نان محشي بالجبن
و السمبوسة الهندية المحشية بالبطاط و الخضار
هذا الطبق عبارة عن بطاط و صلصة
التمر الهندي و اضافات هندية
من أكثر الأطباق الي حبيتها
الأطباق الرئيسية كانت أضلاع اللحم
بالتتبيلة الهندية مع العيش
و برياني لحم بطريقة و نكهة غير عن
الي تعودنا عليها ولكن كان لذيذ
و مرق الدجاج ماسالا المعروف
آخر طبق كان الربيان المطبوخ داخل
جوز الهند يعتبر مرق و فيه نكهة لذييذة
أنصح فيه الي يحب الربيان
الحلويات طلبنا ايس كريم " شغل بيت " بنكهة
الكرك و الزعفران و النكهات واايد مضبوطة و ممتازة
و ايضاً تشيزكيك الغولاب جامون
مانجو لاسي عبارة عن لبن او روب مع المانجا
الطعم لذييييذ وايد بس شوي ثقيل
المكان وايد حلو من ناحية الديكورات و القعدة
و الخدمة سريعة و ممتازة
و الأكل لذيذ و أنصح فيه حق الي يحبون
الأكل الهندي و البهارات
المكان : الأفنيوز - سوكو ، مقابل شوكليتنس
Instagram : @hotelcalcutta
